Էրդողանը սադրանք է անվանել Ստամբուլի հայկական եկեղեցու պատին պարելը

Թուրքիայի նախագահ Ռեջեփ Թայիփ Էրդողանը սադրանք է որակել Ստամբուլի հայկական Սուրբ Թագավոր հայկական եկեղեցին պղծած տղամարդկանց իրականացրածը։

Ավելի վաղ Թուրքիայի իրավապահ մարմինները բերման էին ենթարկել մի խումբ մարդկանց, որոնք պարել էին հայկական եկեղեցու պատին: Երկու հոգի, հարբած վիճակում, բարձրացել էին եկեղեցու պատին՝  մուտքի մոտ և պարել:

«Ես համարում եմ, որ Քադըքյոյի եկեղեցում ցուցաբերված անհարգալից վերաբերմունքը (դավանանքի հանդեպ) սադրանք է՝ ուղղված մեր միասնության դեմ»,- ասել է Էրդողանը հեռուստատեսային ուղերձում:

Խաչի առջև պարող տղամարդկանց տեսանյութը տեղադրվել է սոցիալական ցանցերում: Ստամբուլի վարչակազմը հայտարարել է միջադեպի մասնակիցներին կալանավորելու մասին, նրանց հանդեպ ընտրվել է խափանման միջոց՝ տնային կալանքի տեսքով: