Հայաստանը, Իսրայելն ու ԱՄՆ–ը Թուրքիայի համար ամենամեծ սպառնալիք ներկայացնող երկրներն են

Թուրքիայի հեղինակավոր «Քադիր Հաս» համալսարանը, ինչպես ամեն տարի, ամբողջ երկրով մեկ սոցիոլոգիական հարցումներ է անցկացրել՝ պարզելու բնակչության տեսակետը քաղաքական, տնտեսական, հասարակական հարցերի վերաբերյալ։

Այսպես հարցումներից մեկի համաձայն՝ հարցվողները պատասխանել են, թե «որ երկրներն են Թուրքիայի համար վտանգ ներկայացնում»։ Հարցվածների 33.6 տոկոսի կարծիքով՝ ԱՄՆ-ն է, 10.6 տոկոսի կարծիքով՝ Իսրայելը, 7.4 տոկոսի կարծիքով՝՝ Հայաստանը։

Թուրքիայի մյուս թշնամական հարևանը՝ Հունաստանը, որի հետ Թուրքիան այժմ ուղղակի և անուղղակի առճակատման մեջ է՝ հատկապես Միջերկրական ծովում թուրքական ապօրինի գործողություններով պայմանավորված, 4-րդն է՝ 5.2 տոկոսով։

«Ո՞ր երկրներն են Թուրքիայի ընկերները» հարցին ի պատասխան՝ թուրքերը նշել են Ադրբեջանը՝ 34.4 տոկոս, ինքնահռչակ Հյուսիսային Կիպրոսի Թուրքական Հանրապետությունը՝ 22.0 տոկոս, Վրաստանը՝ 9.2 տոկոս։

Հարցին՝ թե «ո՞րն է Թուրքիայի արտաքին քաղաքականության համար ամենակարևոր խնդիրը», հարցվածների 23.5 տոկոսը պատասխանել է՝ երկրի սահմաններին առկա ահաբեկչությունը, ԱՄՆ–ի հետ հարաբերությունները և քրդերը Սիրիայում։

Հարցվածների 4.1 տոկոսն էլ կարծում է, որ կարևոր խնդիր է նաև Հայաստանի հետ հարաբերությունները։