Արարատի մարզում իրանական համարանիշներով բեռնատարը մխրճվել է գազալցակայանի տարածք․ կա վիրավոր

Խոշոր ավտովթար է տեղի ունեցել Արարատի մարզում: Այսօր՝ հուլիսի 2-ին, ժամը 21:40-ի սահմանում,  իրանական  համարանիշներով Volvo մակնիշի կցորդիչով բեռնատարը, որը բարձված է եղել բիտումով, Երևան-Երասխ ավտոճանապարհի՝ ժողովրդին հայտնի «Երասխի կալցավոյում»,  դեպի Երևան ընթանալիս, դեռևս անհայտ հանգամանքներում վարորդը չկարողանալով կառավարել ավտոմեքենան, բախվել է շրջանաձև հատվածի բազալտե եզրաքարերին, կոտրել մի քանիսը, ապա առաջ ընթանալով բախվել հարևանությամբ գործող գազալցակայանի պարսպին ու ծառերին և կողաշրջված վիճակում հայտնվել գազալցակայանի տարածքում: Այս մասին հաղորդում է SHAMSHYAN.com-ը։

Վթարի հետևանքով 1 հոգի,  ում առաջինը օգնության են հասել քաղաքացիներն ու գազալցակայանի աշխատակիցները, տեղափոխել են «Արարատ»  բժշկական կենտրոն:

Դպքի վայր են ժամանել Արտակարգ իրավիճակների նախարարության փրկարար ծառայության Արարատի թիվ 24 հրշեջ-փրկարարական ջոկատից 2 մարտական հաշվարկ:Հրշեջները հոսանքազրկել են ավտոմեքենան և սահմանազատել տարածքը:

Փաստի առթիվ նյութեր են նախապատրաստվում: Ոստիկանությունը պարզում է վարորդի և վիրավորի ինքնությունը: