ՌԴ-ն հերքել է Թուրքիայից Ս-400 մասնագետների վտարման մասին լուրերը

Ռուսաստանի ռազմատեխնիկական համագործակցության դաշնային ծառայությունը հերքել է ԶԼՄ-ների այն լուրերը, թե Թուրքիան ծրագրում է հետ ուղարկել ռուս տեխնիկներին, որոնք սովորեցնում են թուրքերին՝ Ս-400 գործարկել, որպեսզի բավարարի ԱՄՆ-ի պահանջը։

«Թուրքիայում գտնվող ռուս ռազմական տեխնիկական մասնագետների վերադարձը, որոնք Թուրքիայում են Ս-400–ի պայմանագրի հետ կապված, կիրականացվի հաստատված ժամանակացույցի համաձայն»,- ասել է ծառայության մամուլի քարտուղար Վալերիա Ռեշետնիկովան՝ պատասխանելով ՌԻԱ «Նովոստի»-ի հարցին:

Հիշեցնենք, որ Թուրքիայի ԱԳՆ ղեկավար Մևլյութ Չավուշօղլուն հայտարարել էր, որ Թուրքիայում ռուսական անձնակազմ չկա, իսկ Bloomberg–ը նշել էր, որ ռուս մասնագետները վտարվել են ԱՄՆ–ի պահանջով։