Այս պահին Երևանում sett-weather
Փոխարժեքներ 28 10 2024
USD ⚊ $ 387.25
EUR ⚊ € 419.2
RUB ⚊ ₽ 4.01
GBP ⚊ £ 502.92
GEL ⚊ ₾ 141.79
կարևոր
0 դիտում, 3 տարի առաջ - 2021-05-14 23:07
Հասարակություն

Սա Ձեզ վիճակված բախտորոշ ընտրություն է՝ «Պետություն կամ Табор». Ռուբինա Պետրոսյան

Սա Ձեզ վիճակված բախտորոշ ընտրություն է՝ «Պետություն կամ Табор». Ռուբինա Պետրոսյան
Ռուբինա Պետրոսյանը գրում է.
 
«ՊԵՏՈՒԹՅՈՒՆ ԹԵ՞ ТАБОР (մի քիչ երկար ստացվեց, բայց ուզում եմ, որ կարդաք)
 
Կար ժամանակ, երբ ես և դուք պետություն ունեինք, սուվերեն պետություն, այդ պետությունն էլ՝ տարածքային ամբողջականություն:
 
Հիմա, ես և դուք չունենք պետություն, ունենք մազապուրծ եղած կես բուռ հող, 10000 զոհեր և վիրավորներ, անհետ կորածներ, դժբախտացած ընտանիքներ, համատարած սուգ ու վիշտ, թշնամու հրամանները կատարող «առաջնորդներ»:
 
ՍԵՊԸ ԽՈՐՆ ԵՆ ԽՐԵԼ, ՍԵՊԸ ՝ ՊԵՏՈՒԹՅՈՒՆ ԱՐԺԵՑԱՎ: ՉԵ՞Ք ՈՒԶՈՒՄ ԷԴ ՍԵՊԸ ՀԱՆԵԼ ՈՒ ՓՐԿՎԵԼ ԲՆԱՋՆՋՈՒՄԻՑ:
 
Ես ու իմ նմանն հազարավորներն ուզում են փրկվել, ձեզ՝ էլ մեր հետ փրկել:
 
Ուզու՞մ ենք սեպը հանել, ուզու՞մ ենք՝ ես և դուք էլի պետություն ունենանք, թե՞ ընտրում ենք « табор » դառնալու սահուն ընթացող ճանապարհը:
 
Էն որ ասում էիք. «Արցախը տանք, պրծնենք»: Հարց՝ «Տվեցիք, պրծա՞ք»:
 
Հայտնի ասացվածքը հաստատվում է՝ ԱԽՈՐԺԱԿՆ ՈՒՏԵԼԻՍ Է ԲԱՑՎՈՒՄ:
 
Թշնամին հիմա նոր «փրկություն» է առաջարկում՝ «ՍՅՈՒՆԻՔԸ ՏԱՍ՝ՊՐԾՆԵՍ», հետո «ՎԱՅՈՑ ՁՈՐԸ ՏԱՍ՝ ՊՐԾՆԵՍ» ու ի վերջո ՔՈ՛, ՀԵՆՑ ՔՈ՛ ՏԱՆ ԴԱՐՊԱՍԸ ԿԱՄ ՇԵՆՔԻ ՄՈՒՏՔԸ ՏԱՍ՝ ՊՐԾՆԵՍ, ԴՈՒ՝ ԻՐԵՆԻՑ, ԻՆՔՆ՝ ԷԼ ՎԵՐՋԱՊԵՍ ՔՈ ՆՄԱՆ ԱՆՈՒՂԵՂԻՑ: ՀԱ՛, ՀԱ՛ ԱՆՈՒՂԵՂԻՑ:
 
Անուղեղին չի ուզի անգամ իր վիլայեթում որպես ստրուկ պահել, ստրուկն էլ պիտի ուղեղ ունենա, թե չէ ավելորդ գլխացավանք է: Կբնաջնջի ու ինքը ԿՊՐԾՆԻ ՔԵԶԱՆԻՑ:
 
Պատերազմից կես տարի անցել է, երկրի «առաջին դեմքը» հայտարարում է, որ Սյունիքում անվտանգության ճգնաժամ է, ու դեռ կա՞ մեկը, ով աջակցում է այս մարդուն, ում ղեկավարմամբ ամեն օրը աղետ է Հայաստան կոչվող պետության համար ու Արցախի համար անհայտ ճակատագիր:
 
Ինչքան ուզում է անձնական շահ ունենաք, որ սառն ուղեղով մտածու՞մ եք, գոնե զգում եք ինչ են անում ամեն օր մեզ հետ: Դու՛ք պատկերացնու՞մ եք, Հայաստանի անվտանգության հեռանկարն ու հետագան այս մարդկանց հետ, ինչի՞ն եք աջակցում՝ Սյունիքի բարձիթողի վիճակի՞ն, Արցախից հրաժարվելու՞ն:
 
Պատկերացնու՞մ եք 3,5 կմ-ը ինչ կարևոր հատված է Հայաստանի նման փոքր երկրի համար, այն էլ այդ կենսական գոտում:
 
Թվում էր, թե կես տարվա ընթացքում պետք է ամրացնել, ուժեղացնել այդ հատվածը, ինժեներական աշխատանք տանել, բայց անվտանգության հարցերը թողել զբաղված են աթոռ պահելով, զբաղված են Եռաբլուրում նկարվելով, ընտրական ձայն հավաքելու համար զբաղված են ձեզ մոլորեցնելով, մանիպուլացիաներով:
 
Ինչի՞ն եք աջակցում, ու՞մ եք վստահում Ձեր կյանքը, Ձեր ու Ձեր սերունդների ապագան:
 
Է՞ս կամայականության մեջ եք շարունակելու Ձեր կյանքը՝ Ձեր կատարած ընտրությամբ:
 
Էս իշխանությունների հետ պատկերացնու՞մ եք, որ մի պատերազմ էլ լինի ինչ կկատարվի մեզ հետ:
 
Մի պահ կա՛նգ առեք, կանգ առե՛ք բոլորդ, սա քաղաքական հարց չի ընկերներ, սա մեր հետագա ֆիզիկական գոյության հարցն է:
 
ՍԱ ՁԵԶ ՎԻՃԱԿՎԱԾ ԲԱԽՏՈՐՈՇ ԸՆՏՐՈՒԹՅՈՒՆՆ Է՝ «ՊԵՏՈՒԹՅՈՒՆ կամ ТАБОР»»:
 
բաժանորդագրվել
Նմանատիպ նյութեր

Լրահոս

  • բոլոր լուրերը
    • Հրապարակումների արխիվ - կայքի նախկին տարբերակը

    Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը