Արցախի մեր հայրենակիցներին անտրամաբանական վարձավճարներից պաշտպանելու եղանակի մասին․ Ռուբինա Պետրոսյան

Արցախից բռնի տեղահանված մեր հայրենակիցների առաջնային խնդիրը տանիք ունենալն է, և ՀՀ-ն որպես սոցիալական պետություն այս առումով միակ պարտավոր անձն է:

Խնդիրը պահանջում է երկարաժամկետ ու կարճաժամկետ լուծումներ, եթե տունը կորցրած մարդուն սեփականության իրավունքով համարժեք այլ անշարժ գույք (բնակարան) հատկացնելը երկարաժամկետ աշխատանք է ենթադրում, ապա բնակելի տարածության վարձակալության շուկան կարգավորելը անհամեմատ հեշտ է:

Դրա համար անհրաժեշտ է ընդամենը ՀՀ քաղաքացիական օրենսգրքի 661-րդ և 671-րդ հոդվածներում կատարել փոփոխություններ: Մասնավորապես, հստակ ամրագրել հետևյալը՝

- վարձակալության պայմանագիրը պարտադիր նոտարական կարգով պետք է վավերացվի և պետական գրանցման ենթարկվի,

- վարձակալության վճարի առավելագույն շեմը, ըստ վարչական շրջանների, սահմանում է կառավարությունը:

Հ. գ. Անհրաժեշտության դեպքում պատրաստ եմ գրելու ՀՀ քաղաքացիական օրենսգքում փոփոխություններ կատարելու մասին օրենքի նախագիծը:

Ռուբինա Պետրոսյան

ԵՊՀ դասախոս, Իրավաբանական գիտությունների թեկնածու