Գ. Նժդեհի արձանն իր տեղում է, այն չի՛ ապամոնտաժվելու, և վերջ. Մարտունու բնակիչ

Yerkir.am-ին Արցախի Մարտունի քաղաքից հայտնեցին, որ Գ. Նժդեհի հուշարձանի ապամոնտաժման մասին խոսակցությունները տեղադրման օրվանից մշտապես եղել են, այսօր ևս նման քննարկում եղել է Մարտունիում, սակայն բնակչությունը կտրուկ դեմ է հանդես եկել դրան: Թե ովքե՞ր են եղել քննարկման մասնակիցները՝ մեր աղբյուրը խնդրեց առայժմ չհրապարակել:

«Մարտունու ազգաբնակչությունը դեմ է Գ. Նժդեհի հուշարձանի թե՛ տեղափոխման, թե՛, առավել ևս, ապամոնտաժման առաջարկներին»,- նշեց մեր զրուցակիցը:

Հարցին՝ մայիսի 9-ին ընդառաջ հնարավո՞ր է, որ ճնշումներն ուժեղանան մարտունեցիների վրա, և, ի վերջո, արձանը տեղափոխվի կամ ապամոնտաժվի, Մարտունի քաղաքի բնակիչը պատասխանեց. «Հուշարձանն անխախտ իր տեղում է մինչ այս ժամը, և մենք ամեն ինչ անելու ենք, որ այն առնվազն չապամոնտաժվի և շարունակի հանդիսանալ մարտունեցիների ներշնչանքի աղբյուրը»: