Թրամփն ԱՄՆ-ին հորդորել է լեզու գտնել Ռուսաստանի հետ, այլ ոչ թե նրան մղել դեպի Չինաստան

ԱՄՆ-ը պետք է լեզու գտնի Ռուսաստանի հետ` փոխանակ դեպի Չինաստան մղելու: Այս հայտարարությունն արել է ԱՄՆ նախկին նախագահ Դոնալդ Թրամփը Fox News-ի եթերում:

Նա կարծում է, որ Վաշինգտոնը պետք է «գործեր անի» Մոսկվայի հետ: 

«Ոչինչ չի կարող լինել ավելի վատ, քան Չինաստանն ու Ռուսաստանը միավորելն է»,- համոզված է Թրամփը:

Նրա խոսքով՝ այս երկու երկրներին «ստիպում են միասին լինել»:

Սպիտակ տան նախկին ղեկավարը նաև հայտարարել է, որ ինքը «լավ է շփվել» Ռուսաստանի նախագահ Վլադիմիր Պուտինի հետ, չնայած այն հանգամանքին, որ «ռուսական հետաքննությունը» վնաս է հասցրել երկու երկրների հարաբերություններին: Թրամփն ասել է, որ ինքը նաև «լեզու է գտել» Չինաստանի նախագահ Սի Ցզինպինի հետ: Անդրադառնալով Պուտինին՝ նա ասել է, որ հավանում էր ռուս նախագահին, նույն վերաբերմունքը կար նաև Պուտինի կողմից։