Էրդողանը Ադրբեջանում Թուրքիայի նոր դեսպան է նշանակել

Թուրքիայի նախագահ Ռեջեփ Թայիփ Էրդողանը նախկին պատգամավոր Ջահիթ Բաղչիին նշանակել է Ադրբեջանում Թուրքիայի նոր դեսպան. ասվում է Resmi Gazete-ում հրապարակված փաստաթղթում:

Բաղչին արդեն ժամանել է Բաքու: Twitter-ի իր միկրոբլոգում նա շնորհակալություն է հայտնել Թուրքիայի արտգործնախարար Մևլյութ Չավուշօղլուին աջակցության համար:

Բաղչին կփոխարինի Էրքան Օզորալին, որի դիվանագիտական առաքելությունն Ադրբեջանում արդեն ավարտվել է: Օզորալը Բաքվում աշխատել է 2016-ից 2020 թվականներին:

Ավելի վաղ թուրքական լրատվամիջոցները պնդում էին, որ Ադրբեջանում Թուրքիայի դեսպանի պաշտոնը կզբաղեցնի Քաթարում Թուրքիայի դիվանագիտական առաքելության նախկին ղեկավար Ահմեդ Դեմիրոքը: Բայց, փաստորեն, ի վերջո, Էրդողանի ընտրությունը ընկավ Բաղչիի վրա: