Թուրքիան կօգնի Վրաստանին՝ կանխել անտառային հրդեհները և զարգացնել ջրագործությունը

Վրաստանի բնապահպանության և գյուղատնտեսության փոխնախարար Նինո Թանդիլաշվիլին հանդիպել է Թուրքիայի համագործակցության և համակարգման գործակալության (TİKA) համակարգող Նեջլա Դեմիրդաղի հետ:

Նեժլա Դեմիրդաղը ցանկություն է հայտնել համագործակցել անտառտնտեսության ոլորտում, ներառյալ՝ Թուրքիայի կառավարության արտակարգ իրավիճակների և աղետների վարչության (AFAD)՝ Վրաստանում հրդեհաշիջման և առաջին բուժօգնության դասընթացներ անցկացնելու հարցում:

«Մեզ համար կարևոր է ուժեղացնել անտառտնտեսության ոլորտի ներուժը: Փորձի փոխանակումը կօգնի մասնագետներին վնասատուների դեմ պայքարի և անտառային հրդեհների կանխարգելման գործում»,- ասել է Նինո Թանդիլաշվիլին:

Փոխնախարարը կարևորել է Բնապահպանական տեղեկատվության և կրթության կենտրոնի և Թուրքիայի համագործակցության և համակարգման գործակալության հաջող համագործակցությունը: Այս համագործակցության շրջանակներում դասընթացներ են իրականացվել անասնապահության և սննդի անվտանգության ոլորտում:

Նինո Թանդիլաշվիլին խոսել է նաև Վրաստանում ջրագործության զարգացման մասին և նշել, որ Թուրքիան առաջատար երկիր է այս ոլորտում, ուստի թուրքական կողմի հետ փորձի փոխանակումը հատկապես կարևոր է արդյունաբերության զարգացման համար: