Փոխարժեքներ
13 05 2025
|
||
---|---|---|
USD | ⚊ | $ 388.86 |
EUR | ⚊ | € 430.74 |
RUB | ⚊ | ₽ 4.796 |
GBP | ⚊ | £ 511.04 |
GEL | ⚊ | ₾ 141.89 |
Թուրքիայի «Ազգայնական շարժում» կուսակցության («Գորշ գայլեր») առաջնորդ Դևլեթ Բահչելին սատարել է կառավարության որոշմանը՝ դուրս գալ Ստամբուլյան կոնվենցիայից, որը խթանում է գենդերային իրավունքները և նախատեսում հատուկ իրավական ու վարչական միջոցներ կանանց նկատմամբ բռնությունը դադարեցնելու համար:
«Ստամբուլի կոնվենցիան չի արդարացրել սպասելիքները: Պայմանագիր ստորագրելու և դրան միանալու նման, դրանից դուրս գալը նաև ստորագրող երկրի իրավունքն է: Կոնվենցիայից դուրս գալը ճիշտ քայլ է»,- Բահչելիի խոսքերն է մեջբերում Hurriyet-ը:
Նա նաև շեշտել է, որ իր կուսակցությունը չի հանդուրժում կանանց նկատմամբ բռնությունը՝ դատապարտելով բռնությունները խթանող նորությունները, հաղորդումները և հեռուստասերիալները:
Միևնույն ժամանակ, Բահչելին հերքել է Հանրապետական-ժողովրդական կուսակցության (CHP) առաջնորդ Քեմալ Քըլըչդարօղլուի ենթադրությունը աշնանը արտահերթ ընտրությունների հավանականության մասին:
«Մի ընկեք զուր ոգևորության մեջ և իզուր հույս մի կապեք. ընտրությունները տեղի կունենան ճիշտ ժամանակին (2023 թ.)»,- ասել է նա: