Թրյուդոյի կարծիքով՝ Պուտինին առանձնապես չի հետաքրքրում իր մասին Արևմուտքի կարծիքը

Կանադայի վարչապետ Ջասթին Թրյուդոն կարծում է, որ Ռուսաստանի առաջնորդ Վլադիմիր Պուտինն առանձնապես անհանգստացած չէ այն բանից, թե ինչ է մտածում Արևմուտքն իր մասին: Համապատասխան հայտարարությունը նա արել է՝ մեկնաբանելով վերջերս Պուտինի դեմ ԱՄՆ նախագահ Ջո Բայդենի կոշտ հայտարարությունը:

«Վարչապետ եղած վերջին հինգ տարիների ընթացքում ես մի քանի զրույց եմ ունեցել Պուտինի հետ, և, ըստ իմ տպավորությունների, նա կարող է ցանկացած պահի նայել քեզ և ասել այն, ինչ իրեն հարմար է»,- ասել է Կանադայի ղեկավարը՝ SiriusXM ինտերնետ ռադիոկայանին տված հարցազրույցում։

«Նրան առանձնապես չի հետաքրքրում, թե ինչ են մտածում իր մասին արևմտյան աշխարհը և Կանադան»,– հավելել է Թրյուդոն։