Կանադայի վարչապետ Ջ. Թրյուդոյի բացառիկ ուղերձը Հայոց ցեղասպանության 105-ամյակի կապակցությամբ

Ողջունելով ՀՅԴ Կանադայի Հայ դատի հանձնախմբի՝ Հայոց ցեղասպանության 105-ամյակի կապակցությամբ կազմակերպած առցանց ոգեկոչումը, Կանադայի վարչապետ Ջասթին Թրյուդոն տեսանյութով ներկայացված հատուկ ուղերձով խստորեն դատապարտեց Օսմանյան Թուրքիայի կողմից գործադրված Հայոց ցեղասպանությունը և մեկ անգամ ևս վերահաստատեց Կանադայի պետության հաստատակամ կեցվածքն այս ուղղությամբ:

Իր խոսքում վարչապետը շեշտեց մարդկության դեմ գործված այս ոճիրը հիշելու և հիշեցնելու կարևորությունը՝ հարգելով Հայոց ցեղասպանութեան 1,5 միլիոն նահատակների հիշատակը: Նա նաև շեշտեց, որ ավելի քան հարյուր տարի առաջ գործված այս ոճիրը պետք է հիշեցնի համայն մարդկությանը, որ անտարբեր ու լուռ չմնան ատելության, խտրության և վայրագ արարքների առջև:

Նա իր խոսքը եզրափակեց՝ նշելով, որ Կանադան երբեք չպիտի մոռանա և միշտ պիտի հիշի Հայոց ցեղասպանության անմեղ զոհերի հիշատակը:

Հարկ է նշել, որ վարչապետ Թրյուդոյի այս տարվա ուղերձը ամենից դիպուկ և հանցագործն ու հանցագործության նպատակը հստակորեն նշող ուղերձն էր, որ եբևէ հնչել է Կանադայի վարչապետների կողմից:

Հիշեցնենք՝ Կանադայի վարչապետ Ջասթին Թրյուդոն այսօր հանդես էր եկել նաև հայտարարությամբ, որով ոգեկոչել և հարգել էր Հայոց ցեղասպանության զոհերի հիշատակը։

Կանադայի վարչապետի տեսաուղերձը՝ ստորև.