Կանադայի վարչապետ Ջասթին Թրյուդոյի նամակը ՝ ՀՕՄ-ի Համահայկական Ժողովին

Ուրախ եմ ամենաջերմ ողջյունները փոխանցել բոլոր նրանց, ովքեր մասնակցում են Հայ օգնության միության 72-րդ համահայկական պատգամավորական ժողովին:

Հայ օգնության միության բարեգործական և մարդասիրական աշխատանքն օգնում է մարդկանց ավելի լավ ապրել՝ Կանադան և աշխարհը դարձնելով ավելի լավ վայր ապրելու համար։ Ես ուզում եմ շնորհավորել և շնորհակալություն հայտնել ՀՕՄ-ի անդամներին՝ օգնության կարիք ունեցողներին աջակցելու համար։ Դա հենց այն է, ինչը մեր կառավարությունը փորձում է անել ամեն օր, և գործընկերների հետ, ինչպիսիք դուք եք, մենք կարող ենք բազմաթիվ մարդկանց կյանքում իրական փոփոխություններ կատարել:

Ես նաև կցանկանայի շեշտել Քվեբեկի և Կանադայի հայ համայնքի ներդրումը։ Դուք շարունակում եք մեր երկիրն ավելի լավը դարձնել և այն բազմազանության կարևոր մասն եք, որը Կանադան դարձնում է աշխարհի լավագույն վայրերից մեկը՝ ապրելու համար։ Եկեք միասին շարունակենք զարգացնել երկիրը և կառուցել համայնքներ, որոնք օգնում են միմյանց։

Մեր ընտանիքի անունից ես և Սոֆին ձեզ մաղթում ենք ուրախ և հիշարժան համագումար։