Մարտի 11-ին հանրապետության ողջ տարածքում սպասվում են տեղումներ

Մարտի 11-12-ը հանրապետությունը գտնվելու է հզոր ցիկլոնի ազդեցության գոտում։ Մարտի 11-ին լեռնային և նախալեռնային գոտիներում, մարտի 12-ին հանրապետության ողջ տարածքում սպասվում է ձյուն, առանձին հատվածներում՝ ինտենսիվ, լեռնային մարզերում սպասվում է բուք, ցածր հորիզոնական տեսանելիություն։ Հանրապետության կենտրոնական լեռնային և նախալեռնային շրջաններում մարտի 11-12-ը սպասվում է ձյան ծածկի ավելացում 40-50 սմ-ով։

Հանրապետության տարածքում մարտի 11-ին հանրապետության ողջ տարածքում սպասվում են տեղումներ, 11-ին լեռնային և նախալեռնային շրջաններում ձյան տեսքով։

Քամին՝ հարավ-արևմտյան՝ 5-10 մ/վ:

Օդի ջերմաստիճանը մարտի 11-12-ի ցերեկը կնվազի 8-10 աստիճանով։

Երևանում մարտի 11-ին ժամանակ առ ժամանակ սպասվում են տեղումներ՝ ձնախառն անձրևի տեսքով։ Գիշերը կդիտվի +4, ցերեկը՝ +6, երեկոյան՝ +4 աստիճան տաքություն։