Ինչո՞ւ է կարեւոր փետրվարի 20-ի հանրահավաքին մասնակցելը․ Արտակ Զաքարյան

Գիտե՞ս, թե ինչու է կարեւոր փետրվարի 20-ին համազգային հանրահավաքին գալը, որովհետեւ այդ օրը պարզ է դառնալու, թե քանի՞ մարդու երակներում է հոսում իրական հայի արյուն։ Այս մասին ֆեյսբուքյան իր էջում գրել է ՀՀ պաշտպանության նախկին փոխնախարար Արտակ Զաքարյանը։

Նա, մասնավորապես, գրել է․

Հարգելի ազգի ներկայացուցիչ,

գիտե՞ս, թե ինչու է կարեւոր փետրվարի 20-ին համազգային հանրահավաքին գալը, որովհետեւ, այդ օրը պարզ է դառնալու, թե քանի՞ մարդու երակներում է հոսում իրական հայի արյունը։ Որովհետեւ, քեզ սպանել են, դավաճանել են, հայրենազրկել են, տնավեր են դարձրել,

Արցախի ու Սյունիքը հողը ձեռքիցդ խլել եւ թուրքին են հանձնել, ամեն օր արժանապատվությունդ նսեմացնում են, տնտեսությունդ սնանկացնում են, քեզ պաշտպանած ու պաշտպանող բանակդ ավիրում են, ստիպում են, որ թողնես երկիրդ ու դառնաս քոչվոր։

Այսօր Նիկոլի ու նրա նմանների միջոցով, թուրքը քեզ ցանկանում է դարձնել զանգված, որ վերջապես պրծնի հայկական հարցից ու մեզանից։

Դու պետք է փետրվարի 20-ին ոտքի կանգնես որպես ԱԶԳ։ Աշխարհին պետք է ցույց տալ, որ ՀԱՅ ԱԶԳԸ գոյություն ունի եւ տերն է իր ստեղծած պետության։

Անտարբերության, նեղացվածության, գլուխ պահելու ժամանակը չէ։ Միացի՛ր ՔՈ ԱԶԳԻ վերածննդին։ Արթնացրու՛ քո մեջ հայի զգայուն արժանապատվությունը։

Վերականգնի՛ր աշխարհում հայի նկատմամբ եղած հարգանքը, թույլ մի՛ տուր, որ կապիտուլյանտ նիկոլները ոչնչացնեն քո ապագան»։