SOCAR-ի ղեկավարի որդին Վրաստանում խոշոր բիզնեսի սեփականատեր է

Ռովնագ Աբդուլաևը՝ Ադրբեջանի SOCAR պետական նավթային ընկերության նախագահի որդին, Թբիլիսիում գազալցակայանների ցանց ունի. գրում է Turan գործակալությունը՝ հենվելով լրագրողական հետաքննության վրա։

2017 թվականից ի վեր 27-ամյա Ռովնագ Աբդուլաևը տիրապետում է Formula ընկերության բաժնետոմսերի 51%-ին`ձեռք բերված MG Trading LLC- ի միջոցով: «Ֆորմուլա» ընկերությունը Թբիլիսիում ունի 5 բենզալցակայան՝ «Ֆորմուլա Գազ» ապրանքանիշի ներքո:

Որպես Formula ընկերության տնօրեն՝ հանդես է գալիս Լևան Խելաձեն, որը միաժամանակ Վրաստանում SOCAR դուստր ձեռնարկության՝ Socar Georgia Gas Distribution-ի փոխտնօրենն է:

Սա ևս մեկ անգամ ցույց է տալիս Վրաստանում արդեն ոչ միայն Թուրքիայի, այլև Ադրբեջանի հզոր ազդեցությունը՝ ինչպես տնտեսական, այնպես էլ քաղաքական ոլորտներում։