Ադրբեջանում ավագ լեյտենանտ է ինքնասպան եղել

Ադրբեջանական ընդդիմադիր Meydan TV-ի համաձայն` երեկ` հուլիսի 26-ին, ադրբեջանական բանակում երկու ոչ մարտական կորուստ է գրանցվել: Թարթարի շրջանում ծառայություն իրականացնող ադրբեջանցի սպա` ավագ-լեյտենանտ 25-ամյա Քամրան Էլչին օղլու Ալիևը ինքնասպան է եղել: Այս մասին սոցիալական ցանցերում հայտնում է լրագրող Ազիզե Իսմայիլովան:

Լրատվական ծառայության մեկ այլ տեղեկության համաձայն էլ` սպան սպանվել է ծառայակցի կողմից արձակված կրակոցից:

Բացի Ալիևից, ադրբեջանական բանակում ևս մեկ կորուստ է գրանցվել: Էլեկտրահարման հետևանքով մահացել է Աղդամի շրջանում ծառայություն իրականացնող 21-ամյա Ռամիլ Ֆարիզ օղլու Ջալիլովը:

Ադրբեջանի ՊՆ-ն այս մասին ոչ մի տեղեկություն չի տարածել: