Բերման է ենթարկվել նաև ՀՅԴ ՀԳՄ նախագահ Սիմոն Սիմոնյանը

Ոստիկանությունը բերման ենթարկեց ՀՅԴ Հայաստանի Գերագույն մարմնի նախագահ Սիմոն Սիմոնյանին և մի շարք ընկերների: Բերման ենթարկելու ճանապարհին Սիմոն Սիմոնյանը Yerkir.am-ին տեղեկացրեց, որ իրենց այս պահին տանում են ոստիկանության Քանաքեռ-Զեյթունի բաժանմունք:

Հիշեցնենք՝ Հայրենիքի փրկության շարժումն այսօր առավոտյան կառավարության շենքի առջև բողոքի ակցիա էր նախաձեռնել: Պահանջը նույնն էր՝ Փաշինյանի հրաժարականը և նոր, անցումային կառավարության ձևավորումը՝ Վազգեն Մանուկյանի գլխավորությամբ:

Ակցիայի մասնակիցները կառավարության շենքի առջևից շարժվեցին դեպի Տիգրան Մեծի պողոտան և փակեցին այն, սակայն ոստիկանության մեծաթիվ ուժերի կողմից բերման ենթարկվեցին ակցիայի մի շարք մասնակիցներ:

Նշենք նաև, որ բերման ենթարկված Սիմոն Սիմոնյանն ու ընկերները ՀՅԴ կամավորական վաշտերի կազմում պատերազմի գրեթե ողջ ընթացքում եղել են առաջնագծում՝ պաշտպանելով Արցախի հյուսիսային սահմանները: