Ռուսաստանի և Ուկրաինայի սահմանին փոխհրաձգություն է տեղի ունեցել

Ռուս սահմանապահները կասեցրել են Ուկրաինայից ժամանած երեք զինված սահմանախախտների կողմից սահմանի անօրինական հատման փորձը: ՏԱՍՍ-ին ԱԴԾ հասարակայնության հետ կապերի կենտրոնից հայտնել են, որ սահմանախախտներից մեկը սպանվել է փոխհրաձգության ընթացքում, երկուսը դիմել են փախուստի:

«Բելգորոդի և Վորոնեժի մարզերի՝ Ռուսաստանի ԱԴԾ սահմանային վարչության տարածքում դեկտեմբերի 4-ին սահմանապահ ջոկատը կանխել է երեք զինված անհայտ անձանց կողմից Ուկրաինայից Ռուսաստանի Դաշնություն սահմանը խախտելու փորձը: Պատասխան կրակի արդյունքում նրանցից մեկը կյանքի հետ անհամատեղելի վիրավորումներ է ստացել, երկուսը փախել են Ուկրաինայի տարածք»,- հայտնել են ՏԱՍՍ-ին:

Իրականացվում են քննչական գործողություններ: Դեպքի այլ մանրամասներ ԱԴԾ-ն դեռ չի հայտնել: