Մանկական «Եվրատեսիլ 2020» մրցույթում հաղթել է Ֆրանսիան

Մանկական «Եվրատեսիլ 2020» երգի մրցույթի հաղթող է դարձել Ֆրանսիայի ներկայացուցիչ Վալենտինան (Valentina)՝ J’imagine երգով: Այս մասին տեղեկանում ենք մրցույթի պաշտոնական կայքից։

Նշենք՝ մասնակիցը ստացել է 200 միավոր: Երկրորդ և երրորդ տեղերը զբաղեցրել են Ղազախստանի և Իսպանիայի ներկայացուցիչները։

Վրաստանի ներկայացուցիչ Սանդրա Գադելիան 111 միավորով զբաղեցրել է վեցերորդ տեղը:

Եզրափակիչը կայացել է Լեհաստանում՝ համավարակի պատճառով հեռուստակամրջի ձևաչափով։

Եզրափակիչում հանդես է եկել 12 երկրի մասնակից՝ Ուկրաինայից, Ռուսաստանից, Բելառուսից, Ֆրանսիայից, Վրաստանից, Գերմանիայից, Ղազախստանից, Մալթայից, Լեհաստանից, Սերբիայից, Իսպանիայից և Նիդերլանդներից։ Հայաստանն այս տարի հրաժարվել էր մասնակցությունից Արցախում պատերազմի պատճառով։