Ռազմական դրության չեղարկումից հետո ընդդիմությունն անվստահություն կհայտնի վարչապետին. Իվետա Տոնոյան

Կարծում եմ` իշխանություններն այսօր բավարար չափով ազնվություն եւ պարկեշտություն չունեցան խոստովանելու, որ ռազմական դրությունը չեղարկելու հիմքում ընկած է այն վախը, որ խորհրդարանական ընդդիմությունը դրանից անմիջապես հետո հանդես է գալու վարչապետին  անվստահություն հայտնելու  նախաձեռնությամբ: Այս մասին ԱԺ-ում ճեպազրույցի ժամանակ ասել է ԱԺ «Բարգավաճ Հայաստան» խմբակցության պատգամավոր Իվետա Տոնոյանը։

«Եթե իշխանություններըն իրենց մեջ գտնեն բավարար չափով քաղաքական կամք, պարկեշտություն, ազնվություն եւ, ի վերջո, հայրենասիրություն ու չեղարկեն ռազմական ռեժիմը, բնականաբար, մենք մեր հետագա քայլերի մասին կբարձրաձայնենք»,- ասել է նա:

Տոնոյանի կարծիքով` վարչապետի հեռանալուց հետո պետք է գա կառավարության այն կազմը, որը կարող է երկիրը հանել ստեղծված օրհասական եւ խայտառակ վիճակից: