Քանյե Ուեսթն ընդունել է պարտությունը ԱՄՆ ընտրություններում

Ամերիկացի ռեփեր Քանյե Ուեսթն ընդունել է իր պարտությունը ԱՄՆ նախագահական ընտրություններում և հայտարարել իր հնարավոր մասնակցությունը հաջորդ ընտրություններին՝ 2024 թվականին:

«Քանյե 2024», - գրել է ռեփերը, որը իր նախկին որոշ գրառումներով նշում էր այս տարվա ընտրություններին մասնակցելու մտադրության մասին «Քանյե 2020» գրությամբ:

Fox News-ի վերջին տվյալների համաձայն՝ ԱՄՆ-ում ավելի քան 60,000 մարդ քվեարկել է Քանյեի օգտին: Ընտրողները ռեփերի օգտին քվեարկել են 12 նահանգներում՝ Այովա, Արկանզաս, Կոլորադո, Այդահո, Կենտուկի, Լուիզիանա, Մինեսոտա, Միսիսիպի, Օկլահոմա, Թենեսի, Յուտա և Վերմոնտ: Այս նահանգներից յուրաքանչյուրում նա ստացել է 1% -ից պակաս ձայներ: