Իլոն Մասկն աջակցում է Քանյե Ուեսթի ԱՄՆ-ի նախագահի պաշտոնի համար պայքարելու մտադրությունը

Ամերիկացի գործարար, Tesla և SpaceX ընկերությունների հիմնադիր Իլոն Մասկը Twitter-ի իր էջում արձագանքել է ռեփեր Քանյե Ուեսթի գրառմանը, որում հայտարարել է իր Միացյալ Նահանգների նախագահի պաշտոնում առաջադրվելու մասին։ 

Գրառմանն ի պատասխան՝ Մասկը նշել է. «Ես լիովին աջակցում եմ քեզ»։

Հիշեցնենք՝ Ուեսթն իր՝ նախագայի պաշտոնում առաջադրվելու ծրագրերի մասին առաջին անգամ հայտարարել է դեռևս 2015-ին: Այդ ժամանակ նա հավաստիացրել էր, որ մասնակցելու է 2020-ի ընտրություններին: Այնուամենայնիվ, թեկնածուների գրանցման ժամկետներն արդեն ավարտվել են: Աշնանը կայանալիք ընտրություններում այդ պաշտոնի համար կպայքարեն ԱՄՆ ներկայիս նախագահ Դոնալդ Թրամփը և Դեմոկրատական կուսակցության թեկնածու, նախկին փոխնախագահ Ջո Բայդենը:

Նշենք՝ Քանյե Ուեսթն հայ հայտնի հեռուսստաաստղ Քիմ Քարդաշյանի ամուսինն է։