Հայ մտավորականների համախմբում նախաձեռնության կոչը

Պրն. վարչապետ,

Հայ ժողովուրդն այսօր գոյապահպանական լրջագույն մարտահրավերի առջև է կանգնած: Իրավիճակն օրհասական է. պատերազմական գործողությունները՝ լայնամասշտաբ, զոհերն ու կորուստները՝ ծանր ու ցավալի:

Հայ մտավորականների ներքոստորագրյալ համախմբումը համոզված է, որ այս ճակատագրական պահին Հայաստանի Հանրապետության իշխանությունը պարտավոր է հստակ և նպատակաուղղված քայլեր ձեռնարկել՝ արտաքին քաղաքական և դիվանագիտական ջանքերն առավելագույնս արդյունավորելու, ինչպես նաև ռազմական իրավիճակում կտրուկ բեկում մտցնելու ուղղությամբ։ 

Ուստի, ՀՀ գործադիր իշխանության առաջնային և անհետաձգելի խնդիրն է՝ այս իրավիճակին հնարավորինս համապատասխանող ձևաչափով վերակազմակերպվել և ազգային ներուժի ամբողջական համախմբման և գործադրման ճանապարհով հնարավորություն տալ անկախ Հայաստանի ռազմական և քաղաքական գործիչներին մասնակից և դերակատար դառնալու պատերազմական գործողություններում, ճակատում և թիկունքում։

Կոչ ենք անում քննարկել բոլոր հնարավոր լուծումները, ներառյալ՝ ՀՀ օրենսդրությամբ նախատեսված, հստակ լիազորություններով օժտված ռազմաքաղաքական հատուկ մարմնի ձևավորումը:  Լուծման արդյունավետության միակ չափանիշը Հայ ժողովրդի գոյապահպանության համար վճռական նշանակություն ունեցող այս պատերազմում հնարավոր նվազագույն կորուստներով մեր Հաղթանակի ապահովումն է։

Միաժամանակ կոչով դիմում ենք հայ ժողովրդին.

Սիրելի´ հայրենակիցներ, հայրենականի վերածված այս պատերազմում մեր համազգային նվիրումը, մեր երիտասարդ սերնդի հերոսական վարքը է´լ ավելի է պարտավորեցնում անել հնարավորն ու անհնարը՝ հայության հավաքական ուժը կազմակերպելու և մեր միասնական նպատակին ծառայեցնելու համար։ Հենց այս օրերին է որոշվում մեր ժողովրդի` որպես միասնական նպատակներ ունեցող ազգի, ճակատագիրը:

Այսօր անհրաժեշտ է բոլորիս համախմբումը և հանուն մեկ նպատակի՝ հանուն միասնական հայրենիքի գործելը։ Բոլոր անձնական նախասիրությունները, կուսակցական և նեղ խմբային շահերը պետք է ստորադասվեն այս նպատակին։ Հայ ժողովուրդը վճռական պահին մշտապես կարողացել է համախմբվել և դիմագրավել վերահաս արհավիրքը՝ իր սերունդներին տալով բարգավաճելու և ստեղծարար ընթացքը շարունակելու հնարավորություն։

Ուստի, կոչ ենք անում հրաժարվել ներքին բոլոր տարաձայնություններից և ամբողջությամբ լծվել հայ ժողովրդի  հաղթանակի կերտմանը:

1. Ալվարդ Պետրոսյան-գրող, հրապարակախոս
2. Աննա Մնացականյան-օպերային երգչուհի
3. Աշոտ Ավագյան-գեղանկարիչ, ՀՀ պետ. մրցանակի դափնեկիր
4. Արա Մարտիրոսյան-հրապարակախոս, վերլուծաբան
5. Արաքս Մարգարյան-  արվեստագիտության թեկնածու, դոցենտ
6. Արաքսյա Մուշեղյան-կոմպոզիտոր, պրոդյուսեր
7. Արթուր Մկրտչյան-հրապարակախոս
8. Արծրուն Պեպանյան-գրող, հրապարակախոս
9. Արման Եղիազարյան-պատմ. գիտ. դոկտ., պրոֆեսոր
10. Արմեն Ասրյան-պատմ. գիտ. թեկնածու, դոցենտ
11. Արտակ Վարդանյան- հրապարակախոս, բան.գիտ.թեկն.
12. Արտավազդ Դարբինյան –պատմ. գիտ. թեկն., դոցենտ
13. Գևորգ Էմին-Տերյան - գրականագետ, բ.գ.թ.
14. Դավիթ Հակոբյան-ՀՀ վաստակավոր արտիստ
15. Դավիթ Պետրոսյան-բան. գիտ. դոկտ., պրոֆեսոր
16. Դավիթ Սարգսյան-գրող, հրապարակախոս
17. Դավիթ Վանյան-բանաստեղծ
18. Զեմֆիրա Բարսեղան-ՀՀ վաստակավոր արտիստ, պրոֆեսոր
19. Էդիկ Մինասյան-պատմ. գիտ. դոկտ., պրոֆեսոր
20. Թաթուլ Մանասերյան-տնտ. գիտ. դոկտ. պրոֆեսոր
21. Ժիրայր Դադասյան- բեմադրիչ, ՀՀ արվեստի վաստ. գործիչ
22. Լավրենտի Հովհաննիսյան-բան. գիտ. դոկտ., պրոֆեսոր
23. Լարիսա Ալավերդյան-Մարդու իրավունքների առաջին պաշտպան
24. Լևոն Ջավախյան-գրող, Մ. Խորենացի մեդալակիր
25. Լևոն Սարգսյան-բանաստեղծ
26. Լիա Իվանյան-գրող, հրապարակախոս
27. Լյուդվիգ Ավետիսյան-նկարիչ
28. Խաչատուր Ստեփանյան-պատմ. գիտ. դոկտ., պրոֆեսոր
29. Հակոբ Ավետիքյան-Ազգ օրաթերթի գլխ. խմբագիր
30. Հակոբ Սրապյան- բանաստեղծ
31. Հայկազուն Ալվրցյան-«Արևմտահայոց հարցերի ուսումն. Կենտրոն»,  բան.գիտ.թեկն.
32. Հայկ Սարգսյան – տնտես. գիտ. դոկտ., պրոֆեսոր
33. Հարություն Կբեյան- գրող
34. Հովիկ Գրիգորյան-պատմ. գիտ. թեկն., դոցենտ
35. Մարատ Գրիգորյան-երկր. գիտ. թեկն., դոցենտ
36. Մարինե Հովյան-լեզվաբան
37. Մարտին Հուրիխանյան- կինոգետ
38. Մաքսիմ Ոսկանյան-  բանաստեղծ
39. Մելինե Անումյան-պատմ. գիտ. թեկն.
40. Մերուժան Տեր-Գուլանյան-գրող, հրապարակախոս
41. Միքայել Մալխասյան-պատմ. գիտ. թեկն., դոցենտ
42. Յուրի Սարգսյան - հնագույն քաղաքակրթություններ հետազոտող, գրող
43. Նելլի Սարգսյան-երաժշտագետ
44. Ներսիկ Իսպիրյան-ՀՀ վաստ. արտիստ
45. Շուշան Վարդանյան-արվեստաբան, արվ.գիտ.թեկն.
46. Ջեմմա Բառնասյան - ՀՀ ԳԱԱ լեզվի ինստիտուտի ավագ գիտաշխատող, բ.գ.թ., դոցենտ
47. Ռուբեն Մելքոնյան-պատմական գիտույթունների դոկտոր, պրոֆեսոր
48. Ռիտա Սաղաթելյան-լեզվաբան, բան.գիտ.թեկն.
49. Ռուբեն Մարգարյան-հրապարակախոս, վերլուծաբան
50. Ռուբեն Սահակյան-փաստաբան
51. Ռուզան Առաքելյան-հրապարակախոս 
52. Ռուզան Խաչատրյան- լրագրող, գրող
53. Սաթենիկ Ավետիսյան-գրականագետ, բան.գիտ.թեկն.
54. Սահակ Սահակյան-երգիչ
55. Սասուն Պասկևիչյան-կոմպոզիտոր
56. Սամվել Թադևոսյան-փաստավավերագրող, ռեժիսոր
57. Սամվել Քոչինյան-բժշկ.գիտ.թեկն.
58. Սերժ Սրապիոնյան-գրականագետ, բան.գիտ.թեկն., դոցենտ
59. Սիլվա Յուզբաշյան-ՀՀ վաստակավոր արտիստ
60. Սոնա Բանոյան-ՀՀ վաստակավոր նկարիչ
61. Սոնա Մելոյան-մշակութաբան, լրագրող
62. Սպարտակ Ղարաբաղցյան-գրող, հրապարակախոս
63. Վահե Սարգսյան-պատմ.գիտ.թեկնածու
64. Վանո Եղիազարյան-բան. գիտ. դոկտ., պրոֆեսոր
65. Վարդան Այվազյան-սահմանադրագետ, իրավ.գիտ.թեկն., դոցենտ
66. Վարդան Ոսկանյան-բան. գիտ. թեկն.
67. Վարդան Պետրոսյան-բան. գիտ. դոկտ., պրոֆեսոր
68. Վիգեն Ստեփանյան-ՀՀ արվեստի վաստակավոր գործիչ
69. Վիկտոր Կատվալյան-բան. գիտ. դոկտ.
70. Տիգրան Դավթյան-օպերային երգիչ
71. Փիրուզա Մելիքսեթյան-«Իրատես» պարբերականի գլխ. խմբագիր
72. Քնարիկ Փիլոսյան-մշակութաբան
73. Ֆլորա Նախշքարյան-«Գոլոս Արմենիի» թերթի գլխ. խմբագիր

Նոյեմբեր  3, 2020

Կոչը բաց է միանալու համար