Կիևը Մոսկվային «դագաղների հոսք» է խոստացել պատերազմի դեպքում

Ուկրաինայի դեմ լայնամասշտաբ ագրեսիա սկսելու դեպքում Ռուսաստանը կստանա «դագաղների հոսք»: Այս մասին «Обозреватель»-ին տված հարցազրույցում ասել է Ուկրաինայի Ազգային անվտանգության և պաշտպանության խորհրդի քարտուղարի տեղակալ Սերգեյ Կրիվոնոսը:

«Ռուսների համար խնդիր չէ մտավոր լայնածավալ ագրեսիա սկսել մեր երկրի դեմ: Բայց նրանք հասկանում են, որ կորուստների ահռելի քանակությունը, որ կստանան իրենց զինված ուժերը, դագաղների հոսք է, որը կուղղվի Ռուսաստան»,- ասել է Կրիվոնոսը:

Նա դա բացատրել է այն փորձով, որը ուկրաինական բանակը ստացել է Դոնբասում 6,5 տարվա զինված բախումների ժամանակ: «Ուկրաինական բանակում ծառայում են մոտիվացված զինծառայողներ, որոնք ունեն  մարտական գործողությունների զգալի փորձ»,- շեշտել է Կրիվոնոսը:

Նա համեմատել է երկրի հարավ-արևելքում իրավիճակը 1994-1996 թվականների չեչենական պատերազմի հետ. «Այդ ժամանակ ի՞նչն ապակայունացրեց իրավիճակը Ռուսաստանի Դաշնությունում: Չեչենական պատերազմ. հարյուրհազարավոր ռուս զինվորների դիակներ, որ տուն բերեցին, այնուհետև շատ խարխլեցին իրավիճակը»:

2020 թվականի հունվարին Կրիվոնոսը չէր բացառել Դոնբասի ազատագրման համար ուժի կիրառումը և հայտարարել էր, որ ուկրաինական բանակը պետք է պատրաստ լինի դրան: Սակայն Կիևը նման քայլի կկարողանա դիմել միայն հարավ-արևելքում ռուսական դիրքերի թուլացումից հետո: