Ֆրանսիայից բժիշկների թիմը կժամանի Արցախ

Հոկտեմբերի 12-ին, ժամը 20։00-ին: Զվարթնոց օդանավակայանի VIP սրահում կժամանի Ֆրանսիայից բժիշկների խումբ, օգնելու Արցախում Ադրբեջանի կողմից սանձազերծած պատերազմի արդյունքում վիրավորում ստացած զինծառայողներին և խաղաղ բնակիչներին։ Բժիշկների խումբը աշխատել է տարբեր ռազմական գոտիներում և հումանիտար առաքելության մեծ փորձ ունի։ Վերջիններս իրենց հետ բերելու են նաև անհրաժեշտ դեղորայք և սարքավորումներ։

Անգնահատելի այս այցը նախաձեռնել են սիրտ-անոթային վիրաբույժ՝ Լևոն Խաչատրյանը՝ «Աննա Կարոլինա» և «Շահբազյան» հոլդինգների ֆինանսավորմամբ։

Բժիշկների պատվիրակության խմբում են․

1. Լևոն Խաչատրյան – սիրտ-անոթային վիրաբույժ,

2. Ան Մարի Բերժե - վիրաբույժ,

3. Պատրիկ Կնիպեր - ռեկունստրուկտիվ վիրաբույժ,

4. Պիեր Ժիրար - վիրաբույժ-վնասվածքաբան,

5. Միքայել Չափարյան - վիրաբույժ-վնասվածքաբան,

6. Մարի-Լիս Պետի – բժշկի օգնական։