ԱՄՆ-ում անտառային հրդեհների ծուխը հասել է Հյուսիսային Եվրոպա

ԱՄՆ Արեւմտյան ափին անցած հանգստյան օրերին սկսված բնական հրդեհների ծուխը հասել է Հյուսիսային Եվրոպա: Այս մասին հաղորդել է մթնոլորտի մոնիթորինգի «Կոպեռնիկոս» եվրոպական ծառայությունը (CAMS):

Նրա տվյալներով՝ այս շաբաթվա ընթացքում ծուխը կրկին հատել է Ատլանտյան օվկիանոսը եւ մինչեւ առաջիկա հանգստյան օրերը կհասնի Եվրոպա:

CAMS-ը նշում է, որ ԱՄՆ-ում հրդեհների ակտիվությունն ընթացիկ տարում տասնյակ, նույնիսկ հարյուր անգամ գերազանցում է 2003-2019 թվականների ցուցանիշները: Բացի այդ՝ հրդեհների հետեւանքով ածխաջրածնի արտանետումները Կալիֆոռնիայի եւ Օրեգոնի նահանգներում 2020 թվականին առավելագույն մակարդակի են հասել 2003 թվականին CAMS-ի մոնիթորինգի սկսվելուց ի վեր: