Վրաստանում մեկ օրում գրանցվել է կորոնավիրուսով վարակման 34 նոր դեպք

Սեպտեմբերի 7-ի ժամը 10:00-ի դրությամբ՝ Վրաստանում կորոնավիրուսով վարակի 34 նոր դեպք է գրանցվել. ընդհանուր դեպքերի քանակը երկրում 1684 է: Այս մասին գրում է կառավարության կողմից ստեղծված stopcov.ge կայքը: 

Վրաստանում այսօր կորոնավիրուսից բուժվել է ևս 5 պացիենտ, ընդհանուր հաշվով՝ վարակը հաղթահարել է 1315 մարդ: Վարակից երկրում մահացել է 19 մարդ:

Այս պահի դրությամբ՝ կարանտինային գոտում է 6020 քաղաքացի, հատուկ ստացիոնար հսկողության տակ՝ 299 պացիենտ: Արտերկրից կորոնավիրուսով վարակված 41 քաղաքացի է տեղափոխվել Վրաստան բուժվելու նպատակով:

Հիշեցնենք, որ Վրաստանում առաջին անգամ կորոնավիրուսով վարակի դեպք է հայտնաբերվել փետրվարի 26-ին: