Թուրքիան Կրետե կղզու հարավում զորավարժություններ կիրականացնի՝ ավելի սրելով Միջերկրականում լարված իրավիճակը

Հունաստանի կողմից «ՆԱՎԹԵՔՍ»-ի ծանուցումը հայտարարելուց հետո Թուրքիան հայտարարել է, որ Կրետե կղզու հարավում «թուրքական և դաշնակից ռազմանավերի» մասնակցությամբ զորավարժություն է իրականացնելու. հայտնում է Euronews-ի թուրքական ծառայությունը՝ երկրի ՊՆ-ին հղում անելով։

«Թուրքական և դաշնակից երկրների ուժերի նավերի կողմից 2020 թ. օգոստոսի 26-ին Արևելյան Միջերկրականում համատեղ գործունեությունը և կոորդինացիան զարգացնելու նպատակով կարճաժամկետ դասընթացներ է իրականացվելու», - հայտնում է Թուրքիայի ՊՆ-ն։

Նշենք, որ Հունաստանն ու ԱՄԷ-ն ավելի վաղ հայտարարել էին, որ պատրաստվում են հունապատկան ջրերում զորավարժություն իրականացնել. Թուրքիայի ՊՆ ղեկավար Հուլուսի Աքարը նշել է, որ դա «լարվածությունը մեծացնելուն ուղղված գործողություն» է։