Պոմպեոն հայտարարել է Իրանի հարցերով ԱՄՆ հատուկ ներկայացուցչի հրաժարականի մասին

Իրանի հարցերով ԱՄՆ հատուկ բանագնաց Բրայան Հուքը թոշակի է գնում. հայտարարել է ԱՄՆ պետքարտուղար Մայք Պոմպեոն:

«Հատուկ ներկայացուցիչ Հուքը ավելի քան երկու տարի է, ինչ իմ համակարգողն է Իրանի հարցերոց, նա իրանական ռեժիմի դեմ պայքարում հասել է պատմական արդյունքների», - նշել է Պոմպեոն։

Այժմ Հուքի արած գործը վստահված է Վենեսուելայի հարցերով ամերիկյան հատուկ բանագնաց Էլլիոթ Աբրամսին:

Հիշեցնենք, որ Պետդեպարտամենտում Հուքը նաև Պոմպեոյի ավագ խորհրդական էր: Պետդեպարտամենտում Իրանի հատուկ ներկայացուցիչը ղեկավարում է այսպես կոչված Իրան վերաբերյալ գործողությունների խումբը:

Այս խումբը պատասխանատու է Իրանին առնչվող Պետդեպարտամենտի գործունեության բոլոր ասպեկտների ղեկավարման, վերլուծության և համաձայնեցման համար, և ուղղակիորեն զեկուցում է պետքարտուղարին: