ՀՀ պետական սահմանին տեղի ունեցող հարձակումներն ուղղակիորեն սպառնում են մեր պետականությանը և համայն հայ ժողովրդի ճակատագրին. ԿԱՄՔ

Հայկական Արժեքների Պաշտպանության Կամք հասարակական նախաձեռնությունը ՀՀ պետական սահմանին տեղի ունեցող հարձակումները և ընդհարումները գնահատում է որպես վտանգավոր գործընթաց, որն ուղղակիորեն սպառնում է մեր պետականությանը և համայն հայ ժողովրդի ճակատագրին: Նկատի ունենալով ստեղծված իրավիճակը՝ գտնում ենք, որ պարտավոր ենք համախմբվել հայ զորականի և հայ զինվորի շուրջ:

Ելնելով վերը նշված հույժ կարևոր դիտարկումներից՝ Կամքը հայտարարում է ցանկացած ձևաչափի բողոքի ակցիաների ժամանակավոր դադար,քանի դեռ ՀՀ պետական սահմաններին տիրում է նման վտանգավոր իրավիճակ և կոչ է անում իր անդամներին, սատարողներին և համախոհներին հնարավոր բոլոր միջոցներով ծառայել սահմանում անդորրի վերականգման և հայկական բանակի հզորացման վեհ նպատակին:

Հայկական Արժեքների Պաշտպանության Կամք հասարակական նախաձեռնություն