ՏԵՍԱՆՅՈՒԹ․ Գոյություն չունեցող, սակայն սպասվող պատվաստանյութ այլ երկրներ էլ են գնում․ Փաշինյան

Քանի որ ամբողջ աշխարհը սպասում է պատվաստանյութի, մարդիկ գոյություն չունեցող, սակայն սպասվող պատվաստանյութի ձեռքբերման համար հերթ են կանգնում, անգամ արդեն կան երկրներ, որոնք իրականացրել են գնում՝ ըստ Yerkir.am-ի հայտարարեց ՀՀ վարչապետ Նիկոլ Փաշինյանը կառավարության նիստում անդրադառնալով քննարկմանը, որ կորոնավիրուսի պատվաստանյութ չկա, բայց ՀՀ կառավարությունը և առողջապահության նախարարությունը բանակցում են պատվաստանյութ ձեռք բերելու համար։

«Մտավախություններ է առաջացնում, որ պատվաստանյութի ստեղծման պահից խմբաքանակները ամբողջությամբ կհայտնվեն մի քանի երկրների տրամադրության տակ:  Հիմա մեխանիզմներ են մտածվում, թե ինչ անել, որ դա տեղի չունենա»,-ասաց Փաշինյանը:

Իրականում պատվաստանյութ կա, կան բազմաթիվ պատվաստանյութեր, խոսքը վերջնական հաստատում ստանալու մասին է՝ պարզաբանեց առողջապահության նախարարը:

«Ավելին ասեմ, ընկերություններ կան, որոնք տասնյակ հազարներով արդեն արտադրել են։ Խոսքն այստեղ հաստատում ստանալուց հետո արագ բաշխման մասին է, ոչ թե այդ ապրանքի լինել-չլինելու: Ամենայն հավանականությամբ, հաստատումը լինելու է ոչ թե մեկը, այլ մի քանիսը»,-ասաց Արսեն Թորոսյանը:

Հիշեցնենք, որ Արսեն Թորոսյանը ամենահավանականը համարել էր «Մոդեռնա» ընկերության պատվաստանյութի գնումը, որը, մամուլի հրապարակումների համաձայն, վտանգավոր է, իսկ Թորոսյանը հնարավոր է անձնական շահագրգռություն ունենա այն ձեռք բերելու հարցում։

Մանրամասն՝ տեսանյութում․