Նարեկ Սարգսյանը՝ գոյություն չունեցող հիմնարկի ղեկավար. ՛՛Հրապարակ՛՛

«Հրապարակ»-ը գրում է. «Երեւանի նախկին գլխավոր ճարտարապետ,  թամանյանական ճարտարապետության դահիճ Նարեկ  Սարգսյանն օգոստոսի 8-ին նշանակվեց մի աներեւույթ մարմնի՝ ՀՀ կառավարությանն առընթեր ճարտարապետության պետական կոմիտեի ղեկավար: Իսկ Կոմիտեն թեեւ ձեւավորվել է Սերժ Սարգսյանի` հուլիսի 22-ի հրամանագրով, սակայն մինչ օրս գոյություն չունի:  Օգոստոսի 8-ին Ն.Սարգսյանն ազատվեց Երեւանի գլխավոր ճարտարապետի պաշտոնից եւ նշանակվեց գոյություն չունեցող հիմնարկի ղեկավար:

Այս նշանակումից հետո պետք է սկսվեին հիմնարկի ձեւավորման աշխատանքները: Դեռեւս օգոստոսի 29-ին, երբ պալատական ճարտարապետն արդեն որպես նոր գերատեսչության ղեկավար կառավարության նիստին էր եկել, փորձեցինք  պարզաբանումներ լսել, թե այդ  կառույցն ինչ է ներկայացնում իրենից եւ ինչ  ստեղծագործական նոր հնարավորություններ է ստեղծում  մեծն ճարտարապետի համար, որոնք սահմանափակվել են  նրա նախկին կարգավիճակի դեպքում: Նա ասաց, որ ամեն ինչ հայտնի կլինի տասն օրից: Դրանից անցել է 26 օր, բայց ոչ մի որոշակիություն չկա: Ավելին, անգամ նոր գերատեսչության նստավայրը հայտնի չէ»:

Շարունակությունը կարդացեք «Հրապարակ»-ի այսօրվա համարում: