Հրապարակվել է Ֆլոյդի կեղծ թղթադրամների լուսանկարը

Հրապարակվել են 20 դոլարանոց կեղծ թղթադրամների լուսանկարները, որոնցով փորձել էր վճարում կատարել աֆրոամերիկացի Ջորջ Ֆլոյդը. այս մասին գրում է Daily Mail պարբերականը՝ ներկայացնելով ապացույցները։ 

Մասնավորապես, ըստ պարբերականի տվյալների, ճմռթված թղթադրամները թափված են եղել Ֆլոյդի ավտոմեքենայի սրահում։ Դրանցից մեկը եղել է վարորդի նստատեղի կողքին գտնվող ուղևորի նստատեղի վրա: Միևնույն ժամանակ մեքենայում ակնոց և մի շիշ ջուր է գտնվել:

Նախկին սպաներից մեկը՝ Թոմաս Լեյնը, հայտարարություն է տարածել, նշելով, որ ոստիկանության աշխատակից Դերեկ Շովինը ստիպված է եղել այդքան դաժանաբար ձերբակալել Ֆլոյդին: Նրա պնդմամբ, երբ սևամորթը նստած է եղել մեքենայի մեջ, նա աջ ձեռքով ծածկել է կեղծ թղթադրամը, և սպաները վախեցել են, որ ձեռքի տակ կարող է զենք լինել: