ՏԵՍԱՆՅՈՒԹ․ «Երեւան մոլում» ռումբի ահազանգը կեղծ էր․ փրկարարաներն ավարտեցին աշխատանքը

«Երեւան մոլի» տարածքում ոչինչ չի հայտնաբերվել, կեղծ ահազանգ է եղել՝ ըստ Yerkir.am-ի հայտարարեց տարածքում գործողություններ իրականացնող ԱԻՆ աշխատակիցը լրագրողների հետ զրույցում։

Նա նշեց, որ փրկարար ծառայություններն իրենց աշխատանքն ավարտեցին։

«Նման դեպքերում ոստիկանությունն ու ԱԻՆ-ը իրականացնում են սակրավորների ծառայություն, կինոլոգների ծառայություն, այդ բոլորն իրականացվել է»,-ասաց նա:

Դրանից հետո լրացուցիչ ախտահանում են արել ու բացել դռները մարդկանց առջև։

Ահազանգի հեղինակին պարզելն, արդեն, ոստիկանների գործն է:

ԱԻՆ-ը դեպքի վայր էր մեկնել այսօր՝ ժամը 14։26-ին, երբ  Ճգնաժամային կառավարման ազգային կենտրոնն ահազանգ էր ստացել, որ Երեւանի «Երեւան մոլ» առեւտրի եւ զվարճանքի համալիրի «Ֆուդկորտում» ռումբ է տեղադրված։

Մանրամասն՝ տեսանյութում․