''Արցախբանկում'' տեղադրված ռումբի մասին ահազանգը կեղծ է

Նոյեմբերի 28-ին` ժամը 14,18-ին, ԱԻՆ-ում ահազանգ է ստացվել, որ Երևանի «Արցախ բանկի» Կիևյան մասնաճյուղում պայթուցիկ սարք է տեղադրված: Դեպքի վայր է մեկնել մեկ մարտական հաշվարկ, ՀՆՓԱԻԿ-ի սակրավորական խումբը և ՃԿԿ օպերատիվ խումբը: Փրկարարները ոստիկանների հետ համատեղ տարհանել են բանկի աշխատակիցներին, շենքի բնակիչներին, մոտակա մանկապարտեզի աշխատակազմին ու երեխաներին: ԱԻՆ-ից հայտնում են, որ ժամը 15.19-ին աշխատանքներն ավարտվել են, պայթուցիկ սարք չի հայտնաբերվել:

Հետաքրքրական է, որ ԱԻՆ-ի պատասխանից կես ժամ անց ոստիկանությունից yerkir.am-ին պատասխանեցին, որ դեպքի վերաբերյալ դեռևս որևէ նորություն չկա և խորհուրդ տվեցին զանգահարել կես ժամ հետո: