Մոսկվայում բնակարաններից մեկում հնչած կրակոցներից բացի մեծահասակներից նաև երեխա է մահացել

Մեկ երեխա և երեք մեծահասակ են մահացել Մոսկվայի հյուսիսում գտնվող բնակարաններից մեկում տեղի ունեցած կրակոցների արդյունքում. գրում է ՏԱՍՍ-ը՝ հղում անելով ՌԴ ՔԿ-ին:

Մասնավորապես, նշվում է՝ կրակոցների արդյունքում զոհվել է երկու կին, մեկ տղամարդ և մեկ երեխա: Նախնական տվյալների համաձայն՝ տղամարդն ինքնասպան է եղել:

Ըստ քննչական կոմիտեի՝ կրակոցների մասին հայտնել են հարևանները:

Ավելի վաղ ռուսական ԶԼՄ-ներում լուրեր էին շրջանառվում, որ սպանված կնոջ անունը Ելենա Խլյուպինա է, նա աշխատել է որպես մոդել: Ողբերգությունից անմիջապես առաջ Խլյուպինան բաժանվել է երիտասարդ ընկերոջից. հենց աղջկա նախկին սիրելին է գնդակահարել նրան և նրա ընտանիքի անդամներին: