Գերմանիայի մսի կոմբինատում COVID-19-ի հարյուրավոր դեպքեր են հայտնաբերվել

Գերմանիայի արևմուտքում՝ Tönnies ընկերության մսի կոմբինատում, որը հանդիսանում է խոշորագույններից մեկը Եվրոպայում, կորոնավիրուսի բռնկում է գրանցվել. այս մասին գրում է Deutsche Welle-ն, նշելով՝ ավելի քան 650 աշխատակիցներ վարակվել են կորոնավիրուսով, ու վարակակիրների թիվը կարող է աճել։

Նշվում է՝ Հյուսիսային Ռեյն-Վեսթֆալիա դաշնային հողի Ռեդա-Վիդենբրյուկ քաղաքում գտնվող ձեռնարկության աշխատակիցներն ուղարկվել են երկշաբաթյա կարանտինի։ Ձեռնարկության աշխատանքը 2 շաբաթով դադարեցվել է։

Վարակի հետագա տարածումը կանխելու նպատակով Գյուտերսլո շրջանի իշխանությունները կրկին՝ մինչև հունիսի 26-ը փակել են դպրոցներն ու մանկապարտեզները, որոնք աշխատանքը վերսկսել էին հունիսի 15-ից։