Նոր Զելանդիայում ապաքինվել է կորոնավիրուսով վարակված վերջին հիվանդը

Նոր Զելանդիայում առողջացել է կորոնավիրուսով վարակված վերջին հիվանդը․ երկրում ավելի քան երկու շաբաթ COVID-19-ի նոր դեպքերը չեն արձանագրվել։ Այս մասին հայտնել է երկրի առողջապահության նախարարությունը։

Մասնավորապես, ըստ գերատեսչության տվյալների, անցած հանգստյան օրերին ապաքինվել է կորոնավիրուսով վարակված վերջին հիվանդը, որը Օքլենդում գտնվում էր բժիշկների հսկողության տակ:

Նոր Զելանդիայի գլխավոր սանիտարական բժշկի խոսքով՝ փետրվարի 28-ից ի վեր առաջին անգամ երկրի տարածքում հաստատված ախտորոշմամբ մարդիկ չկան։

Երկրում վարակվածների ընդհանուր թիվը 1504 է, որոնցից 1482-ը ապաքինվել են, 22-ը՝ մահացել:

Կորոնավիրուսի առկայությունը ստուգող թեստավորում է անցել շուրջ 295 հազար մարդ։