Ֆրանսիայում եւս 44 մարդ է մահացել կորոնավիրուսից

Ֆրանսիայում կորոնավիրուսից մահացածների թիվը մեկ օրում աճել է 44-ով եւ կազմում է 29065, այս մասին հաղորդում է РИА Новости-ին:

Համաճարակի սկսվելուց ի վեր Ֆրանսիայում մահացել է 29065 մարդ։

Այս պահին հիվանդանոցներում է գտնվում 13 101 մարդ (մեկ շաբաթ առաջ այդ թիվը կազմում էր 15208 մարդ)։ Վերջին մեկ օրում հիվանդանոց է տեղափոխվել 195 մարդ։

Վերակենդանացման բաժանմունքում գտնվող հիվանդների թիվը նվազել է՝ հասնելով 1163-ի։ Վերջին 24 ժամվա ընթացքում ռեանիմացիա է ընդունվել 23 մարդ։

Համաճարակի սկսվելուց ի վեր հոսպիտալացվել է գրեթե 102,3 հազար մարդ, որոնցից ավելի քան 18 հազարը գտնվում էին վերակենդանացման բաժանմունքում:

Ֆրանսիայում մոտ 70 հազար մարդ ապաքինվել է եւ վերադարձել տուն։