Փոխարժեքներ 28 10 2024
USD	⚊	$ 387.25
EUR	⚊	€ 419.2
RUB	⚊	₽ 4.01
GBP	⚊	£ 502.92
GEL	⚊	₾ 141.79

կարևոր

Արևմուտքը չկարողացավ ծնկի բերել Բելառուսին և Ռուսաստանին․ Լուկաշենկո
15 րոպե առաջ Աշխարհ
ԱՄՆ-ի` հայերին խաբելու նոր փորձը
34 րոպե առաջ Հասարակություն
ԵԿՄ-ի գոյության 2 տարբերակ կա․ կամ Սասուն Միքայելյանի պաշտոնազրկում, կամ ինքնալուծարում․ Հոխիկյան
1 ժամ առաջ Քաղաքական
ՈՒՂԻՂ․ Սիրանուշ Սահակյանը և Րաֆֆի-Ֆիլիպ Քալֆայանը՝ Արցախցիների վերադարձի իրավունքի մասին
1 ժամ առաջ Հասարակություն
«Բախտի տերը». միստիկ կինոկատակերգության պրեմիերան Երևանում
1 ժամ առաջ Հասարակություն
Ագրարայինի երկրորդ մասնաշենքի հանձնման գործընթացը սկսված է
1 ժամ առաջ Հասարակություն
Ի՞նչ ուղերձ է հղում սահմանին կանգնած զինծառայողին Սասունը. Տիգրան Աբրահամյան
3 ժամ առաջ Քաղաքական
«Երիտասարդ Հայուհի 2025»
3 ժամ առաջ Հասարակություն
Հայաստանը չի կողմնորոշվել «չոր նավահանգստի» ժամկետների հարցում. ում հետ է բանակցում Երևանը
4 ժամ առաջ Հասարակություն
«TOON EXPO 2024»-ը՝ բացառիկ և շահավետ առաջարկներով, բաց մի թողեք հնարավորությունը՝ հոկտեմբերի 25-ին, 26-ին, 27-ին
2 օր առաջ Հասարակություն

0 դիտում,

4 տարի առաջ - 2020-06-04 10:24

Քաղաքական

Աղէտը ամուր թակում է մեր դռները. Ա. Շահնազարյան

Թեհրանի «Ալիք» պարբերականի Alikonline.ir կայքէջի խմբագիր Արամ Շահնազարյանն իր ֆեյսբուքյան էջում գրում է.

«Հայաստանը աղէտի ճարակ է դարձել։ Համավարակը վխտում է ամենուր։

Երկիրը ապոկալիպսի վտանգի շեմին է կանգնած, գործող իշխանութիւնների եւ անձամբ վարչապետ Նիկոլ Փաշինեանի՝ նմանը չունեցող անտաղանդ ղեկավարման, անհասկանալի, անհամաչափ եւ անարդիւնաւէտ գործողութիւնների շնորհիւ։

Հայաստանն այսօր ունի առողջապահական լրջագույն խնդիր։ Արտակարգ պայմաններում, որում յայտնւել է Հայաստանը, ենթադրում է համաճարակային յստակ եւ խիստ կառավարում՝ համապատասխան ռազմավարութեամբ եւ մարտավարութեամբ, ինչն անկարող են իրականացնել գործող կառավարութիւնը եւ վարչապետը, իսկ սա մահացու վտանգ է երկրի համար։

Այն ճակատագրական սխալները, որոնք թոյլ տւեցին ՀՀ իշխանութիւնները համաճարակի դէմ պայքարում, երկիրը կանգնեցրել է անվտանգային լուրջ մարտահրաւէրի դէմ-յանդիման։ Մարդիկ հազարներով հիւանդանում են, մեռնում տասնեակներով, եւ դրա վերջը չի երեւում։

Արտակարգ իրավիճակները արտակարգ լուծումներ են պահանջում։ ՀՅԴ Հայաստանի ԳՄ-ն նախօրէին հրապարակած իր յայտարարութեան մէջ անդրադարձել է արտակարգ քայլեր ձեռնարկելու օրակարգային պահանջին եւ անհրաժեշտութեանը. Հրաւիրել ԱԺ արտահերթ նիստ, համաչափ եւ համարժէք գնահատական տալ ստեղծւած իրավիճակին, պատասխանատւութեան կանչել ձախողած բոլոր պաշտօնեաներին, այդ թւում՝ վարչապետին, գտնել ճգնաժամից դուրս գալու արդիւնաւէտ լուծումներ։

Ներկայ պայմաններում, լուծումը եւ ելքը միակն է. Համախմբւել նոր՝ ազգային համաձայնութեան կառավարութեան ձեւաւորման գաղափարի շուրջ։ Կառավարութիւն, որը կը կարողանայ Հայաստանը դուրս բերել այս փակուղային վիճակից։

Նոր կառավարութիւնը պէտք է անյապաղ քայլեր ձեռնարկի համաճարակի մեկուսացման ուղղութեամբ, լծւի տարբեր նշանակության եւ տրամաչափի սոցիալ-տնտեսական կուտակւած բազմաբնոյթ խնդիրների կարգաւորմանը, երկրում իրավիճակի լիցքաթափմանը եւ նորմալ աշխատանքային մթնոլորտի ձեւաւորմանը։

Սա է ներկայ անելանելի թւացող կացութիւնից միակ փրկօղակը։ Այլապէս կորուստները կը դառնան անվերադարձ եւ ճակատագրական։ Այն, ինչ որ կատարւում է այսօր, աղէտ է, որն օրեցօր աւելի ծանր հետեւանքների է բերելու ոչ միայն Հայաստանի, այլ, նաեւ, Արցախի եւ ողջ հայութեան համար»։