Սոցիալական բունտը թակում է մեր պետության դուռը. Ռուբեն Հակոբյան

ԱԺ «Ժառանգություն» խմբակցության ղեկավար Ռուբեն Հակոբյանն այսօրվա ճեպազրույցում անդրադառնալով երեկ խորհրդարանի կողմից ընդունված կառավարության գործունեության նոր ծրագրին՝ ասաց, թե այն վատը չէ, բայց. «Որեւէ ծրագիր, որ կոչված է պետության մեջ վիճակ փոխելուն, այս համակարգին հակացուցված է: Այս ծրագիրը եթե մանրամասն իրականացվի, նշնակում է վերջ տալ կոռուպցիային, տվերային տնտեսությանը, որ կազմում է 50 տոկոս, վերջ տալ մենաշնորհին, գործել օրենքի դաշտում: Դա անհնար է, որովհետեւ համակարգը հակա է առողջացմանը: Կարծել, թե հնարավոր է այս համակագով բան փոխել, միամտություն է: Համակարգի շարժիչ ուժը ստվերային տնտեսությունն է, կոռուպցիան ու մենաշնորհները, եւ եթե սրանից զրկվի իշխանությունը, չի կարող գոյատեւել»: Ռուբեն Հակոբյանի խոսքերով, մեզանում բարեփոխումներն այնքանով են իրականացվում, որքանով չեն խանգարում իշխանությանը:

Սոցիալական բունտը, «Ժառանգություն» խմբակցության ղեկավարի խոսքերով, թակում է մեր պետության դուռը, ամենատարեր կետերում լարված օջախներ են: Գազի գինը, մյուս թանկացումներն ու բնական աղետները ավելի են հնարավոր դարձնում սոցիալական բունտը:

Այս քառօրյայի ընթացքում քվեարկության դրվեց եւ մերժվեց «Ժառանգություն» խմբակցության ներկայացրած օրագիծը՝ ընտրությանը մասնակցածների ցուցակները ընտրությունների ավարտից ամիջապես հետո հրապարաելու մասին: «Բոլոր այն հակափաստարկները, որ բերվեցին մեծամասնության կողմից, չեն կարող լուրջ դիտարկվել: Վենետիկի հանձնաժողովն ասում է, որ յուրաքանչյուր պետություն ԸՕ-ն կազմելիս պետք է հաշվի առնի իր պետության յուրահատկությունները, իսկ մեզանում 400 հազար մարդ մասնակցում է ընտրություններին՝ չլինելով Հայաստանում: Սա կազմում է մասնակցածների 40 տոկոսը եւ վճռում են պետության բախտը»: Իշխանության հակափատարկները համարելով երեսպաշտություն՝ Ռուբեն Հակոբյանը նշեց, թե քաղաքական մեծամասնությունը մեծ վտանգ է տեսնում օրինագծի ընդունմամբ, քանի որ կարող է զրկվել իշխանությունից:

Ռուբեն Հակոբյանին ուրախացնում է այն, որ փաստաթղթին կողմ քվեարկեցին ոչ իշխանական բոլոր ուժերը: Նա հույս այտնեց, որ ընդդիմությունը, անկախ դիրքորոշումների տարբերությունից, կարող է գտնել միասնականորեն գործելու տարբերակներ:

Բանախոսն անդրադարձավ նաեւ կայքերից մեկում «գաղտնազերծված» Գագիկ Ծառուկյան-Րաֆֆի Հովհաննիսյան հայտնի հանդիպմանը, որը կայացել էր նախագահական ընտրությունից օրեր անց: ԲՀԿ ներկայացուցիչները մեղադրական տոնով սպառնում էին հրապարակել հանդիպման ձայնագրությունը: Ռուբեն Հակոբյանը պահանջեց հրապարակել՝ ասելով, որ այն որեւէ կապ չի ունենալու որոշ կայքերի կողմից ներկայացված տեքստի հետ: