Արցախի բուժհիմնարկներում կազմակերպվել են ախտահանման աշխատանքներ

Արցախի Հանրապետության բուժհիմնարկներում կազմակերպվել են ախտահանման աշխատանքներ:

Այս մասին Yerkir.am-ին հայտնում են ԱՀ-ում Նոր կորոնավիրուսի տարածման կանխարգելման աշխատանքները համակարգող միջգերատեսչական հանձնաժողովի տեղեկատվական շտաբից։

«Ելնելով ստեղծված համաճարակաբանական իրավիճակից՝ առողջապահության նախարարի հանձնարարականով հունիսի 3-ից բոլոր բուժհիմնարկների շենքերում և տարածքներում կազմակերպվել են ախտահանման աշխատանքներ:

Կիրառվել են ախտահանիչ միջոցներ՝ համաձայն ախտահանիչ միջոցի կից մեթոդական հրահանգի՝ 1% խտությամբ քլորամին Բ-ի լուծույթով:

Կանխարգելիչ ախտահանումը կատարվում է անկախ հիվանդության առկայությունից: Նպատակն է՝ ոչնչացնել արտաքին միջավայրում կուտակված հիվանդության հարուցիչները», – ասված է հաղորդագրության մեջ: