Էներգետիկայի նախարարությունը 50.000 դրամ ծախսելու է ախտահանման և մակաբույծների ոչնչացման վրա

Հայաստանի գերատեսչությունները պետական գնումների կայքում պարբերաբար հրապարակում են իրենց ծախսած գումարների հաշվետվությունն ու գնումների պլանը: Այդ պլանով նախատեսվում է, թե որ նախարարությունը որքան գումար է ծախսելու կոմունալ վճարների համար` Էլեկտրաէներգիա, գազ, ջուր և աղբահանություն:

Օրինակ` եթե մի շարք գերատեսչություններ մոտավորապես 70.000 դրամ ծախսելու են աղբահանության վրա, ապա էներգետիկայի նախարարությունը 50.000 դրամ ծախսելու է ախտահանման և, զավեշտալի ձեւակերպում, մակաբույծների ոչնչացման վրա: Ի դեպ, մակաբույծ նշանակում է ուրիշ բույսի և կենդանու հաշվին ապրող, սնվող օրգանիզմ, իսկ փոխաբերական իմաստով` ձրիակեր: