Թաիլանդի իշխանություններն առայժմ մտադիր չեն բացել սահմանները

Չնայած Թայլանդում հունիսի 1-ից գնում են սահմանափակումների թուլացման, իշխանություններն, ամեն դեպքում, չեն շտապում սահմանը բացել օտարերկրյա զբոսաշրջիկների համար. այս մասին գրում է ՌԻԱ «Նովոստի»-ն,  Թաիլանդի ազգային անվտանգության խորհրդի գլխավոր քարտուղար Սոմսակ Ռունգսիտայի խոսքերին հղումով։ 

Նա, մասնավորապես, նշել է. «Մենք մեղմացնում ենք մի շարք սահմանափակումներ երկրի ներսում, սակայն, ցավոք, չենք կարող բացել սահմանները զբոսաշրջիկների համար: Նայեք մեր կորոնավիրուսի նոր դեպքերի վիճակագրությունը, արդեն տևական ժամանակ է բոլոր նոր դեպքերը բերովի են», ու հավելել. «Քանի որ աշխարհում համաճարակային իրավիճակը մնում է վտանգավոր, հետևաբար Թայլանդը չի կարող ընդունել զբոսաշրջիկների և այլ այցելուների: Դա կբերի երկրում վարակի երկրորդ ալիքի ռիսկի»։

Հիշեցնենք՝ Թաիլանդում ցամաքային, օդային և ջրային սահմաններ սկսել են փակել մարտի վերջից: Ապրիլի 4-ից գործում է միջազգային ուղևորափոխադրումների արգելքը:

Ըստ վերջին տվյալների՝ Թաիլանդում վարակի հաստատված դեպքերի թիվը 3.076 է: Վերջին մեկ օրում գրանցվել է 11 նոր դեպք: Վարակի հետևանքով մահացել է 57 մարդ: Ապաքինվել է 2.945-ը: