Հունաստանի ՆԳՆ կայքը հարձակման է ենթարկվել թուրք հաքերների կողմից

Հունաստանի Ներքին գործերի նախարարության կայքը հարձակման է ենթարկվել թուրք հաքերների կողմից. այս մասին հայտնում է greekcitytimes.com կայքը։

Ներկա պահին այն օգտատերերը, որոնք կփորձեն բացել Հունաստանի ՆԳՆ կայքը, բովանդակության փոխարեն կհանդիպեն Թուրքիայի նախագահ Ռեջեփ Թայիփ Էրդողանի լուսանկարին, որն ուղեկցվում է Էրդողանի տարբեր ելույթներից հատվածներով։

RootAyyildiz կոչվող հաքերն իր վրա է վերցրել հարձակման պատասխանատվությունը։ Վեբ-կայքում այժմ նշվում է, որ «սա պատասխան է թուրքական ու մուսուլմանական հանրության հանդեպ անհարգանքի»՝ չմանրամասնելով, թե ինչ նկատի ունի։

Նշենք, որ մայիսի 19-ին Հունաստանում Պոնտոսի հույների ոգեկոչման օրն էր, որի ժամանակ արարողության մասնակիցները այրել էին Թուրքիայի դրոշը, իսկ Հունաստանի ԱԳՆ-ն դատապարտել էր այդ արարքը։