Րաֆֆի Հովհաննիսյանի կայքը կրկին հարձակման է ենթարկվել

Րաֆֆի Հովհաննիսյանի նախընտրական կայքը` raffi4president.am-ը,  կրկին հաքերային հարձակման է ենթարկվել: Այս մասին այսօր կայացած ասուլիսում  հայտնեց «Ժառանգություն» կուսակցության մամլո խոսնակ Հովսեփ Խուրշուդյանը` խոստանալով, որ այսօր կայքում կտեղադրվեն կոտրված կայքի լուսանկարները:

Նա ասաց, որ այս անգամ մասնագետներին հաջողվել է պարզել, թե որտեղից է եղել հարձակումը: Եթե նախորդ անգամ կասկածում էին ադրբեջանցի հաքերներին, ապա այս անգամ միանշանակ պարզ է, որ հայերն են արել, անգամ ճշտել են, թե հաքերն ինչ պրովայդերից է օգտվել:

Հիշեցնենք, որ նախագահի թեկնածուի  կայքը շահագործումից 3 օր անց հաքերային հարձակման էր ենթարկվել: Դրան անդրադարձել էր նաև yerkir.am-ը: