«Բարսելոնա»-ի ֆուտբոլիստները կորոնավիրուսի թեստեր կհանձնեն

Կատալոնական «Բարսելոնա»-ի բոլոր ֆուտբոլիստները կորոնավիրուսի թեստ կհանձնեն: Այս մասին գրում է Marca-ն: Ըստ պարբերականի, եթե ֆուտբոլիստների թեստերի պատասխանները բացասական լինեն, ապա նրանք կարող է վերսկսել անհատական մարզումները: Ավելի վաղ հայտնի էր դարձել, որ  Իսպանիայի ֆուտբոլի առաջնության` Լա լիգայի, մյուս հատվածը չի չեղարկվի, և մրցաշրջանը կհասցվի ավարտին: Իսպանական բարձրագույն լիգայի, Ֆուտբոլի թագավորական ֆեդերացիայի և Իսպանիայի սպորտի խորհրդի քննարկման արդյունքում են հանգել այս եզրակացությանը: Լիգան ավարտին հասցնելու հիմնական շարժառիթը եղել է ֆինանսական կողմը, քանի որ պանդեմիան լուրջ վնասներ է հասցրել Իսպանիային: 

Իսպանիայի ֆուտբոլի առաջնությունը դադարեցվեց մարտի 12-ին կորոնավիրուսի պանդեմիայի պատճառով: