ՌԴ Պետդումայի բոլոր պատգամավորները կորոնավիրուսի թեստ կհանձնեն. ТАСС

ՌԴ Պետդումայի նախագահի խորհրդական Անաստասիա Կաշևարովայի պնդմամբ՝ խորհրդարանի բոլոր պատգամավորները մարտի 30-ին կանցնեն կորոնավիրուսային թեստ. հայտնում է Yerkir.am-ը՝ ՏԱՍՍ-ին հղումով։

Նշվում է՝ այս պահի դրությամբ Դումայում հիվանդության դեպքեր չեն գրանցվել:

«Հաջորդ շաբաթ բոլոր այն պատգամավորները, ովքեր հանդիպել են ընտրողների հետ, կվերադառնան Մոսկվա և կաշխատեն նույն շենքում, իսկ լիագումար նիստի ընթացքում՝ նույն տարածքում … Նախքան լիագումար նիստերի շաբաթը սկսելը ճիշտ կլինի, որ բոլոր պատգամավորները մարտի 30-ին նոր կորոնավիրուսի առկայությունը ստուգող թեստավորման ենթարկվեն», -Telegram-ի իր ալիքում գրել է Կաշևարովան ու հավելել. «Պետդումայում կորոնավիրուսի ոչ մի դեպք չի գրանցվել: Մի՛ տարածեք կեղծ լուրեր և մի՛ վախեցրեք քաղաքացիներին: Երկու տեղակալները մեկուսացված են, քանի որ շփում են ունեցել այն անձի հետ, ում մոտ կասկածվել է կորոնավիրուս: Մենք, մեր կողմից, ձեռնարկում ենք բոլոր անհրաժեշտ կանխարգելիչ միջոցառումները»։